1 Crônicas 1

¹א אדם שת אנוש

²ב קינן מהללאל ירד

³ג חנוך מתושלח למך

⁴ד נח שם חם ויפת  {ס}

⁵ה בני יפת--גמר ומגוג ומדי ויון ותבל ומשך ותירס  {ס}

⁶ו ובני גמר--אשכנז ודיפת ותוגרמה  {ס}

⁷ז ובני יון אלישה ותרשישה כתים ורודנים  {ס}

⁸ח בני חם--כוש ומצרים פוט וכנען

⁹ט ובני כוש--סבא וחוילה וסבתא ורעמא וסבתכא ובני רעמא שבא ודדן  {ס}

¹⁰י וכוש ילד את נמרוד הוא החל להיות גבור בארץ  {ס}

¹¹יא ומצרים ילד את לודיים (לודים) ואת ענמים ואת להבים--ואת נפתחים

¹²יב ואת פתרסים ואת כסלחים אשר יצאו משם פלשתים--ואת כפתרים  {ס}

¹³יג וכנען ילד את צידון בכרו--ואת חת

¹⁴יד ואת היבוסי ואת האמרי ואת הגרגשי

¹⁵טו ואת החוי ואת הערקי ואת הסיני

¹⁶טז ואת הארודי ואת הצמרי ואת החמתי  {ס}

¹⁷יז בני שם--עילם ואשור וארפכשד ולוד וארם ועוץ וחול וגתר ומשך  {ס}

¹⁸יח וארפכשד ילד את שלח ושלח ילד את עבר

¹⁹יט ולעבר ילד שני בנים  שם האחד פלג כי בימיו נפלגה הארץ ושם אחיו יקטן

²⁰כ ויקטן ילד את אלמודד ואת שלף ואת חצרמות ואת ירח

²¹כא ואת הדורם ואת אוזל ואת דקלה

²²כב ואת עיבל ואת אבימאל ואת שבא

²³כג ואת אופיר ואת חוילה ואת יובב כל אלה בני יקטן  {ס}

²⁴כד שם ארפכשד שלח

²⁵כה עבר פלג רעו

²⁶כו שרוג נחור תרח

²⁷כז אברם הוא אברהם  {ס}

²⁸כח בני אברהם--יצחק וישמעאל  {ס}

²⁹כט אלה תלדותם  בכור ישמעאל נביות וקדר ואדבאל ומבשם

³⁰ל משמע ודומה משא חדד ותימא

³¹לא יטור נפיש וקדמה אלה הם בני ישמעאל  {ס}

³²לב ובני קטורה פילגש אברהם ילדה את זמרן ויקשן ומדן ומדין--וישבק ושוח ובני יקשן שבא ודדן  {ס}

³³לג ובני מדין עיפה ועפר וחנוך ואבידע ואלדעה כל אלה בני קטורה  {ס}

³⁴לד ויולד אברהם את יצחק בני יצחק עשו וישראל  {ס}

³⁵לה בני עשו--אליפז רעואל ויעוש ויעלם וקרח  {ס}

³⁶לו בני אליפז--תימן ואומר צפי וגעתם קנז ותמנע ועמלק  {ס}

³⁷לז בני רעואל--נחת זרח שמה ומזה  {ס}

³⁸לח ובני שעיר לוטן ושובל וצבעון וענה ודישן ואצר ודישן  {ס}

³⁹לט ובני לוטן חרי והומם ואחות לוטן תמנע  {ס}

⁴⁰מ בני שובל עלין ומנחת ועיבל שפי ואונם ובני צבעון איה וענה  {ס}

⁴¹מא בני ענה דישון ובני דישון חמרן ואשבן ויתרן וכרן

⁴²מב בני אצר בלהן וזעון יעקן בני דישון עוץ וארן  {פ}

⁴³מג ואלה המלכים אשר מלכו בארץ אדום לפני מלך מלך לבני ישראל  בלע בן בעור ושם עירו דנהבה

⁴⁴מד וימת בלע וימלך תחתיו יובב בן זרח מבצרה

⁴⁵מה וימת יובב וימלך תחתיו חושם מארץ התימני

⁴⁶מו וימת חושם וימלך תחתיו הדד בן בדד המכה את מדין בשדה מואב ושם עירו עיות (עוית)

⁴⁷מז וימת הדד וימלך תחתיו שמלה ממשרקה

⁴⁸מח וימת שמלה וימלך תחתיו שאול מרחבות הנהר

⁴⁹מט וימת שאול וימלך תחתיו בעל חנן בן עכבור

⁵⁰נ וימת בעל חנן וימלך תחתיו הדד ושם עירו פעי ושם אשתו מהיטבאל בת מטרד בת מי זהב

⁵¹נא וימת הדד  {פ}   ויהיו אלופי אדום אלוף תמנע אלוף עליה (עלוה) אלוף יתת

⁵²נב אלוף אהליבמה אלוף אלה אלוף פינן

⁵³נג אלוף קנז אלוף תימן אלוף מבצר

⁵⁴נד אלוף מגדיאל אלוף עירם אלה אלופי אדום  {פ}