1 Crônicas 2

¹א אלה בני ישראל  ראובן שמעון לוי ויהודה יששכר וזבלון

²ב דן יוסף ובנימן נפתלי גד ואשר  {פ}

³ג בני יהודה ער ואונן ושלה--שלושה נולד לו מבת שוע הכנענית ויהי ער בכור יהודה רע בעיני יהוה--וימיתהו  {ס}

⁴ד ותמר כלתו ילדה לו את פרץ ואת זרח כל בני יהודה חמשה  {ס}

⁵ה בני פרץ חצרון וחמול  {ס}

⁶ו ובני זרח זמרי ואיתן והימן וכלכל ודרע--כלם חמשה  {ס}

⁷ז ובני כרמי--עכר עוכר ישראל אשר מעל בחרם  {ס}

⁸ח ובני איתן עזריה  {ס}

⁹ט ובני חצרון אשר נולד לו--את ירחמאל ואת רם ואת כלובי

¹⁰י ורם הוליד את עמינדב ועמינדב הוליד את נחשון נשיא בני יהודה

¹¹יא ונחשון הוליד את שלמא ושלמא הוליד את בעז

¹²יב ובעז הוליד את עובד ועובד הוליד את ישי

¹³יג ואישי הוליד את בכרו את אליאב--ואבינדב השני ושמעא השלשי

¹⁴יד נתנאל הרביעי רדי החמישי

¹⁵טו אצם הששי דויד השבעי

¹⁶טז ואחיתיהם צרויה ואביגיל ובני צרויה אבשי ויואב ועשהאל--שלשה

¹⁷יז ואביגיל ילדה את עמשא ואבי עמשא יתר הישמעאלי

¹⁸יח וכלב בן חצרון הוליד את עזובה אשה--ואת יריעות ואלה בניה ישר ושובב וארדון

¹⁹יט ותמת עזובה ויקח לו כלב את אפרת ותלד לו את חור

²⁰כ וחור הוליד את אורי ואורי הוליד את בצלאל  {ס}

²¹כא ואחר בא חצרון אל בת מכיר אבי גלעד והוא לקחה והוא בן ששים שנה ותלד לו את שגוב

²²כב ושגוב הוליד את יאיר ויהי לו עשרים ושלוש ערים בארץ הגלעד  {ס}

²³כג ויקח גשור וארם את חות יאיר מאתם את קנת ואת בנתיה--ששים עיר כל אלה בני מכיר אבי גלעד

²⁴כד ואחר מות חצרון בכלב אפרתה ואשת חצרון אביה ותלד לו את אשחור אבי תקוע  {ס}

²⁵כה ויהיו בני ירחמאל בכור חצרון הבכור רם ובונה וארן ואצם אחיה

²⁶כו ותהי אשה אחרת לירחמאל ושמה עטרה היא אם אונם  {ס}

²⁷כז ויהיו בני רם בכור ירחמאל--מעץ וימין ועקר

²⁸כח ויהיו בני אונם שמי וידע ובני שמי נדב ואבישור

²⁹כט ושם אשת אבישור אביהיל ותלד לו את אחבן ואת מוליד

³⁰ל ובני נדב סלד ואפים וימת סלד לא בנים

³¹לא ובני אפים ישעי ובני ישעי ששן ובני ששן אחלי

³²לב ובני ידע אחי שמי יתר ויונתן וימת יתר לא בנים  {ס}

³³לג ובני יונתן פלת וזזא אלה היו בני ירחמאל

³⁴לד ולא היה לששן בנים כי אם בנות ולששן עבד מצרי ושמו ירחע

³⁵לה ויתן ששן את בתו לירחע עבדו לאשה ותלד לו את עתי

³⁶לו ועתי הליד את נתן ונתן הוליד את זבד

³⁷לז וזבד הוליד את אפלל ואפלל הוליד את עובד

³⁸לח ועובד הוליד את יהוא ויהוא הליד את עזריה

³⁹לט ועזריה הליד את חלץ וחלץ הליד את אלעשה

⁴⁰מ ואלעשה הליד את ססמי וססמי הליד את שלום

⁴¹מא ושלום הוליד את יקמיה ויקמיה הליד את אלישמע  {ס}

⁴²מב ובני כלב אחי ירחמאל מישע בכרו הוא אבי זיף ובני מרשה אבי חברון

⁴³מג ובני חברון--קרח ותפח ורקם ושמע

⁴⁴מד ושמע הוליד את רחם אבי ירקעם ורקם הוליד את שמי

⁴⁵מה ובן שמי מעון ומעון אבי בית צור

⁴⁶מו ועיפה פילגש כלב ילדה את חרן ואת מוצא ואת גזז וחרן הליד את גזז  {ס}

⁴⁷מז ובני יהדי--רגם ויותם וגישן ופלט ועיפה ושעף

⁴⁸מח פילגש כלב מעכה ילד שבר ואת תרחנה

⁴⁹מט ותלד שעף אבי מדמנה את שוא אבי מכבנה ואבי גבעא ובת כלב עכסה  {ס}

⁵⁰נ אלה היו בני כלב בן חור בכור אפרתה--שובל אבי קרית יערים

⁵¹נא שלמא אבי בית לחם חרף אבי בית גדר

⁵²נב ויהיו בנים לשובל אבי קרית יערים הראה חצי המנחות

⁵³נג ומשפחות קרית יערים--היתרי והפותי והשמתי והמשרעי מאלה יצאו הצרעתי--והאשתאלי  {ס}

⁵⁴נד בני שלמא בית לחם ונטופתי עטרות בית יואב וחצי המנחתי הצרעי

⁵⁵נה ומשפחות ספרים ישבו (ישבי) יעבץ תרעתים שמעתים שוכתים המה הקינים הבאים מחמת אבי בית רכב  {ס}