1 Crônicas 24

¹א ולבני אהרן מחלקותם  בני אהרן--נדב ואביהוא אלעזר ואיתמר

²ב וימת נדב ואביהוא לפני אביהם ובנים לא היו להם ויכהנו אלעזר ואיתמר

³ג ויחלקם דויד--וצדוק מן בני אלעזר ואחימלך מן בני איתמר  לפקדתם בעבדתם

⁴ד וימצאו בני אלעזר רבים לראשי הגברים מן בני איתמר--ויחלקום  לבני אלעזר ראשים לבית אבות ששה עשר ולבני איתמר לבית אבותם שמונה

⁵ה ויחלקום בגורלות אלה עם אלה  כי היו שרי קדש ושרי האלהים מבני אלעזר ובבני איתמר  {ס}

⁶ו ויכתבם שמעיה בן נתנאל הסופר מן הלוי לפני המלך והשרים וצדוק הכהן ואחימלך בן אביתר וראשי האבות לכהנים וללוים--בית אב אחד אחז לאלעזר ואחז אחז לאיתמר  {פ}

⁷ז ויצא הגורל הראשון ליהויריב  {ס}  לידעיה השני  {ס}

⁸ח לחרם  {ר} השלישי  {ס}  לשערים הרבעי  {ס}

⁹ט למלכיה  {ר} החמישי  {ס}  למימן הששי  {ס}

¹⁰י להקוץ  {ר} השבעי  {ס}  לאביה השמיני  {ס}

¹¹יא לישוע  {ר} התשעי  {ס}  לשכניהו העשרי  {ס}

¹²יב לאלישיב  {ר} עשתי עשר  {ס}  ליקים שנים עשר  {ס}

¹³יג לחפה  {ר} שלשה עשר  {ס}  לישבאב ארבעה עשר  {ס}

¹⁴יד לבלגה  {ר} חמשה עשר  {ס}  לאמר ששה עשר  {ס}

¹⁵טו לחזיר שבעה  {ר} עשר  {ס}  להפצץ שמונה עשר  {ס}

¹⁶טז לפתחיה תשעה  {ר} עשר  {ס}  ליחזקאל העשרים  {ס}

¹⁷יז ליכין אחד  {ר} ועשרים  {ס}  לגמול שנים ועשרים  {ס}

¹⁸יח לדליהו שלשה  {ר} ועשרים  {ס}  למעזיהו ארבעה ועשרים  {פ}

¹⁹יט אלה פקדתם לעבדתם לבוא לבית יהוה כמשפטם ביד אהרן אביהם  כאשר צוהו יהוה אלהי ישראל  {פ}

²⁰כ ולבני לוי הנותרים  לבני עמרם שובאל לבני שובאל יחדיהו  {ס}

²¹כא לרחביהו--לבני רחביהו הראש ישיה  {ס}

²²כב ליצהרי שלמות לבני שלמות יחת  {ס}

²³כג ובני יריהו אמריהו השני יחזיאל השלישי יקמעם הרביעי  {ס}

²⁴כד בני עזיאל מיכה לבני מיכה שמור (שמיר)

²⁵כה אחי מיכה ישיה  {ס}  לבני ישיה זכריהו  {ס}

²⁶כו בני מררי מחלי ומושי  {ס}  בני יעזיהו בנו  {ס}

²⁷כז בני מררי--ליעזיהו בנו ושהם וזכור ועברי  {ס}

²⁸כח למחלי אלעזר ולא היה לו בנים  {ס}

²⁹כט לקיש בני קיש ירחמאל  {ס}

³⁰ל ובני מושי מחלי ועדר וירימות אלה בני הלוים לבית אבתיהם

³¹לא ויפילו גם הם גורלות לעמת אחיהם בני אהרן לפני דויד המלך וצדוק ואחימלך וראשי האבות לכהנים וללוים--אבות הראש לעמת אחיו הקטן  {ס}