1 Crônicas 25

¹א ויבדל דויד ושרי הצבא לעבדה לבני אסף והימן וידותון הנביאים (הנבאים) בכנרות בנבלים ובמצלתים ויהי מספרם אנשי מלאכה לעבדתם

²ב לבני אסף זכור ויוסף ונתניה ואשראלה--בני אסף  על יד אסף הנבא על ידי המלך

³ג לידותון--בני ידותון גדליהו וצרי וישעיהו חשביהו ומתתיהו ששה על ידי אביהם ידותון בכנור הנבא על הדות והלל ליהוה  {ס}

⁴ד להימן--בני הימן בקיהו מתניהו עזיאל שבואל וירימות חנניה חנני אליאתה גדלתי ורממתי עזר ישבקשה מלותי הותיר מחזיאת

⁵ה כל אלה בנים להימן חזה המלך בדברי האלהים--להרים קרן ויתן האלהים להימן בנים ארבעה עשר--ובנות שלוש

⁶ו כל אלה על ידי אביהם בשיר בית יהוה במצלתים נבלים וכנרות לעבדת בית האלהים--על ידי המלך אסף וידותון והימן

⁷ז ויהי מספרם עם אחיהם מלמדי שיר ליהוה  כל המבין--מאתים שמונים ושמונה

⁸ח ויפילו גורלות משמרת לעמת כקטן כגדול--מבין עם תלמיד  {פ}

⁹ט ויצא הגורל הראשון לאסף--ליוסף  {ס}  גדליהו השני--הוא ואחיו  {ר} ובניו שנים עשר  {ס}

¹⁰י השלשי זכור בניו ואחיו שנים  {ר} עשר  {ס}

¹¹יא הרביעי ליצרי--בניו ואחיו שנים עשר  {ס}

¹²יב החמישי  {ר} נתניהו בניו ואחיו שנים עשר  {ס}

¹³יג הששי בקיהו בניו ואחיו שנים  {ר} עשר  {ס}

¹⁴יד השבעי ישראלה בניו ואחיו שנים עשר  {ס}

¹⁵טו השמיני  {ר} ישעיהו בניו ואחיו שנים עשר  {ס}

¹⁶טז התשיעי מתניהו בניו ואחיו  {ר} שנים עשר  {ס}

¹⁷יז העשירי שמעי בניו ואחיו שנים עשר  {ס}

¹⁸יח עשתי  {ר} עשר עזראל בניו ואחיו שנים עשר  {ס}

¹⁹יט השנים עשר לחשביה  {ר} בניו ואחיו שנים עשר  {ס}

²⁰כ לשלשה עשר שובאל בניו ואחיו שנים  {ר} עשר  {ס}

²¹כא לארבעה עשר מתתיהו בניו ואחיו שנים עשר  {ס}

²²כב לחמשה  {ר} עשר לירמות בניו ואחיו שנים עשר  {ס}

²³כג לששה עשר לחנניהו בניו  {ר} ואחיו שנים עשר  {ס}

²⁴כד לשבעה עשר לישבקשה בניו ואחיו שנים  {ר} עשר  {ס}

²⁵כה לשמונה עשר לחנני בניו ואחיו שנים עשר  {ס}

²⁶כו לתשעה  {ר} עשר למלותי בניו ואחיו שנים עשר  {ס}

²⁷כז לעשרים לאליתה--בניו  {ר} ואחיו שנים עשר  {ס}

²⁸כח לאחד ועשרים להותיר בניו ואחיו שנים  {ר} עשר  {ס}

²⁹כט לשנים ועשרים לגדלתי בניו ואחיו שנים עשר  {ס}

³⁰ל לשלשה  {ר} ועשרים למחזיאות בניו ואחיו שנים עשר  {ס}

³¹לא לארבעה ועשרים  {ר} לרוממתי עזר בניו ואחיו שנים עשר  {פ}