Salmos 20
1א למנצח מזמור לדוד
2ב יענך יהוה ביום צרה ישגבך שם אלהי יעקב
3ג ישלח-עזרך מקדש ומציון יסעדך
4ד יזכר כל-מנחתך ועולתך ידשנה סלה
5ה יתן-לך כלבבך וכל-עצתך ימלא
6ו נרננה בישועתך-- ובשם-אלהינו נדגל ימלא יהוה כל-משאלותיך
7ז עתה ידעתי-- כי הושיע יהוה משיחו יענהו משמי קדשו-- בגברות ישע ימינו
8ח אלה ברכב ואלה בסוסים ואנחנו בשם-יהוה אלהינו נזכיר
9ט המה כרעו ונפלו ואנחנו קמנו ונתעודד [ (Psalms 20:10) י יהוה הושיעה המלך יעננו ביום-קראנו ]