Esdras 10

¹וּכְהִתְפַּלֵּל עֶזְרָא וּכְהִתְוַדֹּתוֹ, בֹּכֶה וּמִתְנַפֵּל, לִפְנֵי בֵּית הָאֱלֹהִים; נִקְבְּצוּ אֵלָיו מִיִּשְׂרָאֵל קָהָל רַב־מְאֹד, אֲנָשִׁים וְנָשִׁים וִילָדִים, כִּי־בָכוּ הָעָם הַרְבֵּה־בֶכֶה׃ ס

³וְעַתָּה נִכְרָת־בְּרִית לֵאלֹהֵינוּ לְהוֹצִיא כָל־נָשִׁים וְהַנּוֹלָד מֵהֶם בַּעֲצַת אֲדֹנָי, וְהַחֲרֵדִים בְּמִצְוַת אֱלֹהֵינוּ; וְכַתּוֹרָה יֵעָשֶׂה׃

⁴קוּם כִּי־עָלֶיךָ הַדָּבָר וַאֲנַחְנוּ עִמָּךְ; חֲזַק וַעֲשֵׂה׃ פ

⁵וַיָּקָם עֶזְרָא וַיַּשְׁבַּע אֶת־שָׂרֵי הַכֹּהֲנִים הַלְוִיִּם וְכָל־יִשְׂרָאֵל, לַעֲשׂוֹת כַּדָּבָר הַזֶּה וַיִּשָּׁבֵעוּ׃

⁶וַיָּקָם עֶזְרָא, מִלִּפְנֵי בֵּית הָאֱלֹהִים, וַיֵּלֶךְ אֶל־לִשְׁכַּת יְהוֹחָנָן בֶּן־אֶלְיָשִׁיב; וַיֵּלֶךְ שָׁם, לֶחֶם לֹא־אָכַל וּמַיִם לֹא־שָׁתָה, כִּי מִתְאַבֵּל עַל־מַעַל הַגּוֹלָה׃ ס

⁷וַיַּעֲבִירוּ קוֹל בִּיהוּדָה וִירוּשָׁלִַם, לְכֹל בְּנֵי הַגּוֹלָה, לְהִקָּבֵץ יְרוּשָׁלִָם׃

⁸וְכֹל אֲשֶׁר לֹא־יָבוֹא לִשְׁלֹשֶׁת הַיָּמִים, כַּעֲצַת הַשָּׂרִים וְהַזְּקֵנִים, יָחֳרַם כָּל־רְכוּשׁוֹ; וְהוּא יִבָּדֵל מִקְּהַל הַגּוֹלָה׃ ס

⁹וַיִּקָּבְצוּ כָל־אַנְשֵׁי־יְהוּדָה וּבִנְיָמִן יְרוּשָׁלִַם לִשְׁלֹשֶׁת הַיָּמִים, הוּא חֹדֶשׁ הַתְּשִׁיעִי בְּעֶשְׂרִים בַּחֹדֶשׁ; וַיֵּשְׁבוּ כָל־הָעָם, בִּרְחוֹב בֵּית הָאֱלֹהִים, מַרְעִידִים עַל־הַדָּבָר וּמֵהַגְּשָׁמִים׃ פ

¹⁰וַיָּקָם עֶזְרָא הַכֹּהֵן וַיֹּאמֶר אֲלֵהֶם, אַתֶּם מְעַלְתֶּם, וַתֹּשִׁיבוּ נָשִׁים נָכְרִיּוֹת; לְהוֹסִיף עַל־אַשְׁמַת יִשְׂרָאֵל׃

¹¹וְעַתָּה, תְּנוּ תוֹדָה לַיהוָה אֱלֹהֵי־אֲבֹתֵיכֶם וַעֲשׂוּ רְצוֹנוֹ; וְהִבָּדְלוּ מֵעַמֵּי הָאָרֶץ, וּמִן־הַנָּשִׁים הַנָּכְרִיּוֹת׃

¹³אֲבָל הָעָם רָב וְהָעֵת גְּשָׁמִים, וְאֵין כֹּחַ לַעֲמוֹד בַּחוּץ; וְהַמְּלָאכָה, לֹא־לְיוֹם אֶחָד וְלֹא לִשְׁנַיִם, כִּי־הִרְבִּינוּ לִפְשֹׁעַ בַּדָּבָר הַזֶּה׃

¹⁴יַעֲמְדוּ־נָא שָׂרֵינוּ לְכָל־הַקָּהָל וְכֹל אֲשֶׁר בֶּעָרֵינוּ, הַהֹשִׁיב נָשִׁים נָכְרִיּוֹת יָבֹא לְעִתִּים מְזֻמָּנִים, וְעִמָּהֶם זִקְנֵי־עִיר וָעִיר וְשֹׁפְטֶיהָ; עַד לְהָשִׁיב חֲרוֹן אַף־אֱלֹהֵינוּ מִמֶּנּוּ, עַד לַדָּבָר הַזֶּה׃ פ

¹⁵אַךְ יוֹנָתָן בֶּן־עֲשָׂהאֵל וְיַחְזְיָה בֶן־תִּקְוָה עָמְדוּ עַל־זֹאת; וּמְשֻׁלָּם וְשַׁבְּתַי הַלֵּוִי עֲזָרֻם׃

¹⁶וַיַּעֲשׂוּ־כֵן בְּנֵי הַגּוֹלָה, וַיִּבָּדְלוּ עֶזְרָא הַכֹּהֵן אֲנָשִׁים רָאשֵׁי הָאָבוֹת לְבֵית אֲבֹתָם וְכֻלָּם בְּשֵׁמוֹת; וַיֵּשְׁבוּ, בְּיוֹם אֶחָד לַחֹדֶשׁ הָעֲשִׂירִי, לְדַרְיוֹשׁ הַדָּבָר׃

¹⁷וַיְכַלּוּ בַכֹּל, אֲנָשִׁים הַהֹשִׁיבוּ נָשִׁים נָכְרִיּוֹת; עַד יוֹם אֶחָד לַחֹדֶשׁ הָרִאשׁוֹן׃ פ

¹⁸וַיִּמָּצֵא מִבְּנֵי הַכֹּהֲנִים, אֲשֶׁר הֹשִׁיבוּ נָשִׁים נָכְרִיּוֹת; מִבְּנֵי יֵשׁוּעַ בֶּן־יוֹצָדָק וְאֶחָיו, מַעֲשֵׂיָה וֶאֱלִיעֶזֶר, וְיָרִיב וּגְדַלְיָה׃

¹⁹וַיִּתְּנוּ יָדָם לְהוֹצִיא נְשֵׁיהֶם; וַאֲשֵׁמִים אֵיל־צֹאן עַל־אַשְׁמָתָם׃ ס

²⁰וּמִבְּנֵי אִמֵּר, חֲנָנִי וּזְבַדְיָה׃ ס

²¹וּמִבְּנֵי חָרִם; מַעֲשֵׂיָה וְאֵלִיָּה וּשְׁמַעְיָה, וִיחִיאֵל וְעֻזִיָּה׃

²²וּמִבְּנֵי פַּשְׁחוּר; אֶלְיוֹעֵינַי מַעֲשֵׂיָה יִשְׁמָעֵאל נְתַנְאֵל, יוֹזָבָד וְאֶלְעָשָׂה׃ ס

²³וּמִן־הַלְוִיִּם; יוֹזָבָד וְשִׁמְעִי, וְקֵלָיָה הוּא קְלִיטָא, פְּתַחְיָה יְהוּדָה וֶאֱלִיעֶזֶר׃ ס

²⁴וּמִן־הַמְשֹׁרְרִים אֶלְיָשִׁיב; וּמִן־הַשֹּׁעֲרִים, שַׁלֻּם וָטֶלֶם וְאוּרִי׃ ס

²⁵וּמִיִּשְׂרָאֵל; מִבְּנֵי פַרְעֹשׁ רַמְיָה וְיִזִּיָּה וּמַלְכִּיָּה וּמִיָּמִן וְאֶלְעָזָר, וּמַלְכִּיָּה וּבְנָיָה׃ ס

²⁶וּמִבְּנֵי עֵילָם; מַתַּנְיָה זְכַרְיָה וִיחִיאֵל וְעַבְדִּי, וִירֵמוֹת וְאֵלִיָּה׃ ס

²⁷וּמִבְּנֵי זַתּוּא; אֶלְיוֹעֵנַי אֶלְיָשִׁיב מַתַּנְיָה וִירֵמוֹת, וְזָבָד וַעֲזִיזָא׃ ס

²⁸וּמִבְּנֵי בֵּבָי; יְהוֹחָנָן חֲנַנְיָה זַבַּי עַתְלָי׃ ס

³⁰וּמִבְּנֵי פַּחַת מוֹאָב עַדְנָא וּכְלָל; בְּנָיָה מַעֲשֵׂיָה מַתַּנְיָה בְצַלְאֵל, וּבִנּוּי וּמְנַשֶּׁה׃ ס

³¹וּבְנֵי חָרִם; אֱלִיעֶזֶר יִשִּׁיָּה מַלְכִּיָּה שְׁמַעְיָה שִׁמְעוֹן׃

³²בִּנְיָמִן מַלּוּךְ שְׁמַרְיָה׃ ס

³³מִבְּנֵי חָשֻׁם; מַתְּנַי מַתַּתָּה זָבָד אֱלִיפֶלֶט, יְרֵמַי מְנַשֶּׁה שִׁמְעִי׃ ס

³⁴מִבְּנֵי בָנִי, מַעֲדַי עַמְרָם וְאוּאֵל׃ ס

³⁶וַנְיָה מְרֵמוֹת אֶלְיָשִׁיב׃

³⁸וּבָנִי וּבִנּוּי שִׁמְעִי׃

³⁹וְשֶׁלֶמְיָה וְנָתָן וַעֲדָיָה׃

⁴⁰מַכְנַדְבַי שָׁשַׁי שָׁרָי׃

⁴¹עֲזַרְאֵל וְשֶׁלֶמְיָהוּ שְׁמַרְיָה׃

⁴²שַׁלּוּם אֲמַרְיָה יוֹסֵף׃ ס