Isaías 18

¹הוֹי אֶרֶץ צִלְצַל כְּנָפָיִם; אֲשֶׁר מֵעֵבֶר לְנַהֲרֵי־כוּשׁ׃

²הַשֹּׁלֵחַ בַּיָּם צִירִים, וּבִכְלֵי־גֹמֶא עַל־פְּנֵי־מַיִם, לְכוּ מַלְאָכִים קַלִּים, אֶל־גּוֹי מְמֻשָּׁךְ וּמוֹרָט, אֶל־עַם נוֹרָא מִן־הוּא וָהָלְאָה; גּוֹי קַו־קָו וּמְבוּסָה, אֲשֶׁר־בָּזְאוּ נְהָרִים אַרְצוֹ׃

³כָּל־יֹשְׁבֵי תֵבֵל וְשֹׁכְנֵי אָרֶץ; כִּנְשֹׂא־נֵס הָרִים תִּרְאוּ, וְכִתְקֹעַ שׁוֹפָר תִּשְׁמָעוּ׃ ס

⁵כִּי־לִפְנֵי קָצִיר כְּתָם־פֶּרַח, וּבֹסֶר גֹּמֵל יִהְיֶה נִצָּה; וְכָרַת הַזַּלְזַלִּים בַּמַּזְמֵרוֹת, וְאֶת־הַנְּטִישׁוֹת הֵסִיר הֵתַז׃

⁶יֵעָזְבוּ יַחְדָּו לְעֵיט הָרִים, וּלְבֶהֱמַת הָאָרֶץ; וְקָץ עָלָיו הָעַיִט, וְכָל־בֶּהֱמַת הָאָרֶץ עָלָיו תֶּחֱרָף׃

⁷בָּעֵת הַהִיא יוּבַל־שַׁי לַיהוָה צְבָאוֹת, עַם מְמֻשָּׁךְ וּמוֹרָט, וּמֵעַם נוֹרָא מִן־הוּא וָהָלְאָה; גּוֹי קַו־קָו וּמְבוּסָה, אֲשֶׁר בָּזְאוּ נְהָרִים אַרְצוֹ, אֶל־מְקוֹם שֵׁם־יְהוָה צְבָאוֹת הַר־צִיּוֹן׃ ס