Lamentações 4

¹אֵיכָה יוּעַם זָהָב, יִשְׁנֶא הַכֶּתֶם הַטּוֹב; תִּשְׁתַּפֵּכְנָה אַבְנֵי־קֹדֶשׁ, בְּרֹאשׁ כָּל־חוּצוֹת׃ ס

²בְּנֵי צִיּוֹן הַיְקָרִים, הַמְסֻלָּאִים בַּפָּז; אֵיכָה נֶחְשְׁבוּ לְנִבְלֵי־חֶרֶשׂ, מַעֲשֵׂה יְדֵי יוֹצֵר׃ ס

⁴דָּבַק לְשׁוֹן יוֹנֵק אֶל־חִכּוֹ בַּצָּמָא; עוֹלָלִים שָׁאֲלוּ לֶחֶם, פֹּרֵשׂ אֵין לָהֶם׃ ס

⁵הָאֹכְלִים לְמַעֲדַנִּים, נָשַׁמּוּ בַּחוּצוֹת; הָאֱמֻנִים עֲלֵי תוֹלָע, חִבְּקוּ אַשְׁפַּתּוֹת׃ ס

⁶וַיִּגְדַּל עֲוֹן בַּת־עַמִּי, מֵחַטַּאת סְדֹם; הַהֲפוּכָה כְמוֹ־רָגַע, וְלֹא־חָלוּ בָהּ יָדָיִם׃ ס

⁷זַכּוּ נְזִירֶיהָ מִשֶּׁלֶג, צַחוּ מֵחָלָב; אָדְמוּ עֶצֶם מִפְּנִינִים, סַפִּיר גִּזְרָתָם׃ ס

⁸חָשַׁךְ מִשְּׁחוֹר תָּאֳרָם, לֹא נִכְּרוּ בַּחוּצוֹת; צָפַד עוֹרָם עַל־עַצְמָם, יָבֵשׁ הָיָה כָעֵץ׃ ס

⁹טוֹבִים הָיוּ חַלְלֵי־חֶרֶב, מֵחַלְלֵי רָעָב; שֶׁהֵם יָזוּבוּ מְדֻקָּרִים, מִתְּנוּבֹת שָׂדָי׃ ס

¹⁰יְדֵי, נָשִׁים רַחֲמָנִיּוֹת, בִּשְּׁלוּ יַלְדֵיהֶן; הָיוּ לְבָרוֹת לָמוֹ, בְּשֶׁבֶר בַּת־עַמִּי׃ ס

¹¹כִּלָּה יְהוָה אֶת־חֲמָתוֹ, שָׁפַךְ חֲרוֹן אַפּוֹ; וַיַּצֶּת־אֵשׁ בְּצִיּוֹן, וַתֹּאכַל יְסוֹדֹתֶיהָ׃ ס

¹³מֵחַטֹּאת נְבִיאֶיהָ, עֲוֹנוֹת כֹּהֲנֶיהָ; הַשֹּׁפְכִים בְּקִרְבָּהּ דַּם צַדִּיקִים׃ ס

¹⁴נָעוּ עִוְרִים בַּחוּצוֹת, נְגֹאֲלוּ בַּדָּם; בְּלֹא יוּכְלוּ, יִגְּעוּ בִּלְבֻשֵׁיהֶם׃ ס

¹⁵סוּרוּ טָמֵא קָרְאוּ לָמוֹ, סוּרוּ סוּרוּ אַל־תִּגָּעוּ, כִּי נָצוּ גַּם־נָעוּ; אָמְרוּ בַּגּוֹיִם, לֹא יוֹסִיפוּ לָגוּר׃ ס

¹⁸צָדוּ צְעָדֵינוּ, מִלֶּכֶת בִּרְחֹבֹתֵינוּ; קָרַב קִצֵּינוּ מָלְאוּ יָמֵינוּ כִּי־בָא קִצֵּינוּ׃ ס

¹⁹קַלִּים הָיוּ רֹדְפֵינוּ, מִנִּשְׁרֵי שָׁמָיִם; עַל־הֶהָרִים דְּלָקֻנוּ, בַּמִּדְבָּר אָרְבוּ לָנוּ׃ ס

²⁰רוּחַ אַפֵּינוּ מְשִׁיחַ יְהוָה, נִלְכַּד בִּשְׁחִיתוֹתָם; אֲשֶׁר אָמַרְנוּ, בְּצִלּוֹ נִחְיֶה בַגּוֹיִם׃ ס

²²תַּם־עֲוֹנֵךְ בַּת־צִיּוֹן, לֹא יוֹסִיף לְהַגְלוֹתֵךְ; פָּקַד עֲוֹנֵךְ בַּת־אֱדוֹם, גִּלָּה עַל־חַטֹּאתָיִךְ׃ פ