Provérbios 22

¹נִבְחָר שֵׁם מֵעֹשֶׁר רָב; מִכֶּסֶף וּמִזָּהָב, חֵן טוֹב׃

²עָשִׁיר וָרָשׁ נִפְגָּשׁוּ; עֹשֵׂה כֻלָּם יְהוָה׃

⁴עֵקֶב עֲנָוָה יִרְאַת יְהוָה; עֹשֶׁר וְכָבוֹד וְחַיִּים׃

⁵צִנִּים פַּחִים בְּדֶרֶךְ עִקֵּשׁ; שׁוֹמֵר נַפְשׁוֹ, יִרְחַק מֵהֶם׃

⁶חֲנֹךְ לַנַּעַר עַל־פִּי דַרְכּוֹ; גַּם כִּי־יַזְקִין, לֹא־יָסוּר מִמֶּנָּה׃

⁷עָשִׁיר בְּרָשִׁים יִמְשׁוֹל; וְעֶבֶד לוֶֹה, לְאִישׁ מַלְוֶה׃

⁹טוֹב־עַיִן הוּא יְבֹרָךְ; כִּי־נָתַן מִלַּחְמוֹ לַדָּל׃

¹⁰גָּרֵשׁ לֵץ וְיֵצֵא מָדוֹן; וְיִשְׁבֹּת, דִּין וְקָלוֹן׃

¹²עֵינֵי יְהוָה נָצְרוּ דָעַת; וַיְסַלֵּף, דִּבְרֵי בֹגֵד׃

¹³אָמַר עָצֵל אֲרִי בַחוּץ; בְּתוֹךְ רְחֹבוֹת, אֵרָצֵחַ׃

¹⁵אִוֶּלֶת קְשׁוּרָה בְלֶב־נָעַר; שֵׁבֶט מוּסָר, יַרְחִיקֶנָּה מִמֶּנּוּ׃

¹⁶עֹשֵׁק דָּל לְהַרְבּוֹת לוֹ; נֹתֵן לְעָשִׁיר, אַךְ־לְמַחְסוֹר׃

¹⁷הַט אָזְנְךָ, וּשְׁמַע דִּבְרֵי חֲכָמִים; וְלִבְּךָ, תָּשִׁית לְדַעְתִּי׃

¹⁸כִּי־נָעִים כִּי־תִשְׁמְרֵם בְּבִטְנֶךָ; יִכֹּנוּ יַחְדָּו, עַל־שְׂפָתֶיךָ׃

¹⁹לִהְיוֹת בַּיהוָה מִבְטַחֶךָ; הוֹדַעְתִּיךָ הַיּוֹם אַף־אָתָּה׃

²¹לְהוֹדִיעֲךָ, קֹשְׁטְ אִמְרֵי אֱמֶת; לְהָשִׁיב אֲמָרִים אֱמֶת, לְשֹׁלְחֶיךָ׃ פ

²²אַל־תִּגְזָל־דָּל כִּי דַל־הוּא; וְאַל־תְּדַכֵּא עָנִי בַשָּׁעַר׃

²³כִּי־יְהוָה יָרִיב רִיבָם; וְקָבַע אֶת־קֹבְעֵיהֶם נָפֶשׁ׃

²⁴אַל־תִּתְרַע אֶת־בַּעַל אָף; וְאֶת־אִישׁ חֵמוֹת לֹא תָבוֹא׃

²⁶אַל־תְּהִי בְתֹקְעֵי־כָף; בַּעֹרְבִים, מַשָּׁאוֹת׃

²⁷אִם־אֵין־לְךָ לְשַׁלֵּם; לָמָּה יִקַּח מִשְׁכָּבְךָ, מִתַּחְתֶּיךָ׃

²⁸אַל־תַּסֵּג גְּבוּל עוֹלָם; אֲשֶׁר עָשׂוּ אֲבוֹתֶיךָ׃

²⁹חָזִיתָ אִישׁ מָהִיר בִּמְלַאכְתּוֹ, לִפְנֵי־מְלָכִים יִתְיַצָּב; בַּל־יִתְיַצֵּב לִפְנֵי חֲשֻׁכִּים׃ פ