10et cum moraremur per dies aliquot supervenit quidam a Iudaea propheta nomine Agabus
11is cum venisset ad nos tulit zonam Pauli et alligans sibi pedes et manus dixit haec dicit Spiritus Sanctus virum cuius est zona haec sic alligabunt in Hierusalem Iudaei et tradent in manus gentium
12quod cum audissemus rogabamus nos et qui loci illius erant ne ascenderet Hierosolymam
13tunc respondit Paulus et dixit quid facitis flentes et adfligentes cor meum ego enim non solum alligari sed et mori in Hierusalem paratus sum propter nomen Domini Iesu
14et cum ei suadere non possemus quievimus dicentes Domini voluntas fiat
