8crevit igitur puer et ablactatus est fecitque Abraham grande convivium in die ablactationis eius
9cumque vidisset Sarra filium Agar Aegyptiae ludentem dixit ad Abraham
10eice ancillam hanc et filium eius non enim erit heres filius ancillae cum filio meo Isaac
11dure accepit hoc Abraham pro filio suo
12cui dixit Deus non tibi videatur asperum super puero et super ancilla tua omnia quae dixerit tibi Sarra audi vocem eius quia in Isaac vocabitur tibi semen
13sed et filium ancillae faciam in gentem magnam quia semen tuum est
14surrexit itaque Abraham mane et tollens panem et utrem aquae inposuit scapulae eius tradiditque puerum et dimisit eam quae cum abisset errabat in solitudine Bersabee
